Pyaar

kabhi kabhi lagta hain ke yeh duniya bohot matlabi hai
har kisi-ko kisi-ki koi to zaroorat padi hai,

kyu haath thaam-ta hain koi?
kyu saath maang-ta hain koi?

ab kya, koi achaai nahi bachi?
ab kya, yehi sachaaiyi hai jee-ni?



fir dil se poochta hun yahi baat,
kya tu bhi chahta hai mujhse kuch har baar?

nahi mila tujhe woh,
toh kya chod dega tu fir mera saath??




toh hass ke dil mera mujhse kehta hain..
kyu tu apne aap ko yuhi pareshaan karta hain??

dekh kar bhi tu, kyu naadaan banta hain?
jo dikhta har taraf, ussey kyu nahi tu samajhta hain?



har pedh apni chaav mein khud toh nahi sota..
har samandar sirf apni hi machliyo ka pet toh nahi bharta..

har raat bhi toh, ek nayi subaah ko daawat deti hain,,
har haar bhi toh, ek nayi seekh se humein roshni dilati hain



PYAAR bhi toh koi cheez hoti hai..
jismein koi khud ka matlab nahi dekhta..

jismein rota hain koi, toh zakhm kisi aur pe ban-ta hain..
jismein muskurata hain koi, toh aashiyan kisi aur ka khil uth-ta hain..

taaqat aur nashaa jismein hota hain,
Pyaar mein hi toh humein khuda milta hain..